有錢人之所有廣告收入, 將全數捐予慈善團體

2010年5月18日

起步 前傳 (二)

要"CHANGE" 真係唔易, 我的大洗習慣已經跟左我差唔多十年了. 但是, 當我想到, 如果繼續咁樣, 我的路只有一條 ~~~ 破產!!


我是一個愛面子的人, 因為自己的愚蠢而令到自己破產?! 我真係接受唔到.

當時, 我無資產 (我無買股票, 無樓, 無金, 現金都無),只有負債. 但我要對自己負責, 是活得有尊嚴的人必要做的. 我沒有怨自己生不逢時(出來做事之後,差不多一年有一樣衰嘢) , 沒有怨自己唔夠"醒" (如果我一個月有十萬收入就好喇), 更不能怨自己爸爸媽媽不是大富人家(我都想做李生個仔,有錢,有靚老婆).

我相信, 25歲前的生活及人生是家庭影響得到, 但25歲後的人生是必須要自己負責的.

就在25歲生日之後:
為了改變, 我:
1) 開始睇好多有關投資, 管理人生的書本;
2) 把自己每個月的收入及支出記錄;
3) 把自己的欠債拎晒出來清算;
4) 把自己的預算寫出來;

然後, 我走去銀行, 問我現在有甚麼方法可以減債, 回覆是:
1) 做一個loan去還晒所有數, 原因是易於處理及清楚知道仲欠多少;
2) 唔好再有其他新loan (卡數都係loan);

為了減少消費, 增加投資/ 儲蓄, 我減少了90%的 "約會"
可知道, 當我開始"改變", 是如何的感受...
朋友出街去玩? "唔去了"
屋企人話去旅行? "無假啊"
公司同事去happy hour? "有事要做啊"

我的感覺是: "有咁耐風流, 有咁耐折墮"... "螞蟻與蝴蝶"的故事.... "出我嚟行, 預左要還"....

就這樣,我日復日,年復年的死慳死底, 節衣縮食, 我呢兩年入面嘅儲蓄率係60% (每個月還錢加自己儲蓄)~~ 我還晒所有錢之餘,仲儲到大約十萬銀添.

當時, 樓價由2003年的絕望價錢,已經升左好多了... 同依家的"置業人士"一樣, 我心大心細, 我開始想"離開"屋企, 買又驚供唔起 (點知會唔會又來個沙士,唔通又要諗破產?!), 唔買又驚個市會繼續升. 要知道我當時只係得十萬唔夠,已經係我所有積蓄了(似唔似啲議員講話有個朋友死慳死底儲左好耐,儲到二、三十萬呀?).... 我當年的想法/做法係....
(下篇再績)

沒有留言:

發佈留言